ఓ కంపెనీలో ఉద్యోగం కోసం..విలక్షణంగా జరిగిన ఇంటర్వ్యూ
ఓ కంపెనీలో ఉద్యోగం కోసం.. విలక్షణంగా జరిగిన ఇంటర్వ్యూ
ఓ యువకుడు ఒక పెద్ద కంపెనీలో ఓ మంచి ఉద్యోగం ఉందని తెలుసుకొని ఇంటర్వూకు వెళ్ళాడు.
కంపెనీ వారు పెట్టిన అన్ని రకాల పరీక్షల్లో నెగ్గాడు…చివరిగా కంపెనీ డైరెక్టరు దగ్గరికి ముఖాముఖి కోసం వెళ్ళాడు. అక్కడ.
డైరెక్టరు: _”నీవు చదువుకునే రోజుల్లో ఏదైనా స్కాలర్ షిప్ వచ్చిందా…..?”
యువకుడు: _”లేదండీ! మా నాన్నగారే అన్ని ఫీజులు కట్టేవారు….”
డైరెక్టరు: _”మీ తల్లిదండ్రులు ఏం చేస్తుంటారు?
యువకుడు: _”వ్యవసాయం చేస్తూ నన్ను చదివించారు….”
డైరెక్టరు: _”మీకు ఎంత పొలం ఉంది?”
యువకుడు : _”రెండెకరాలు ఉంది….”
డైరెక్టరు: _”అలాగా…అయితే నీ చేతులను ఒకసారి నాకు చూపించు.”_ అన్నాడు.
వెంటనే ఆ యువకుడు తన చేతులను చూపించాడు…అవి చాలా సున్నితంగా నాజూకుగా ఉన్నాయి.
డైరెక్టరు: _”నువ్వు ఎప్పుడైనా నీ తల్లిదండ్రులకు వ్యవసాయం చేయడంలో సహాయపడ్డావా…..?”
యువకుడు: _”లేదండీ! వారు నన్ను కష్టపడనివ్వకుండా… బాగా చదువుకుని మంచి ఉద్యోగం సంపాదించమని చెప్పేవారు.. నేను అలాగే చేశాను.”
డైరెక్టరు: _”నిజంగా నువ్వు ఈ ఉద్యోగానికి అన్ని అర్హతలు ఉన్నవాడివే…! అయితే నువ్వు చేస్తాను అంటే నేను ఒక పని చెబుతాను చేస్తావా?”
యువకుడు: _”తప్పకుండా చేస్తాను……..చెప్పండి సార్..!_
డైరెక్టరు: _”ఈరోజు నువ్వు మీ ఇంటికి వెళ్ళిన తరువాత మీ తల్లిదండ్రుల చేతులను శుభ్రంగా కడుగు! రేపు తప్పకుండా వచ్చి నన్ను కలువు……”
యువకుడు: _” అలాగే సార్..!”
ఆ యువకుడు ఇంటికి వెళ్ళి, తన తల్లిదండ్రుల చేతులను శుభ్రం చేయడానికి వారి చేతులను తన చేతులలోకి తీసుకున్నాడు….. వారి చేతులను చూడగానే చాలా బాధపడ్డాడు.
చాలా ఏళ్ళ నుండి ఇంటిపనులు, పొలం పనులు చేస్తుండటం వల్ల….. ఆ చేతులు కాయలుగట్టి…… గరుకు గరుకుగా….. చాలా దళసరిగా కనపడ్డాయి.
వారు తన కోసం పడిన కష్టాన్ని తలచుకుంటూ…. వారి చేతులలో తన ముఖాన్ని పెట్టి వెక్కివెక్కి ఏడ్చాడు.
మరుసటిరోజు ఆఫీసుకు వెళ్ళిన ఆ యువకుడు కన్నీళ్ళతో ఆ కంపెనీ డైరెక్టరుకు నమస్కరించాడు.
“మీరు నా కళ్ళు తెరిపించారు సార్! నా తల్లిదండ్రుల కష్టాన్ని నాకు కళ్ళకు కట్టినట్టు చూపించారు. మీరు నాకు ఈ ఉద్యోగాన్ని ఇస్తే…… వారిని కంటికి రెప్పలా ఏ లోటూ లేకుండా చూసుకుంటాను”_ అని అన్నాడు ఆ యువకుడు.
దానికి కంపెనీ డైరెక్టరు మాట్లాడుతూ…
“ఇంట్లో తల్లిదండ్రుల కష్టం తెలిసిన వారికే ఆఫీసులోని పై అధికారుల కష్టాలు అర్థం అవుతాయి.
కాబట్టి ఇతరుల పరిస్థితిని అర్థం చేసుకునే శక్తి ఉన్నవారికే, మా ఆఫీసులో ఉద్యోగాలు ఇవ్వాలని నిర్ణయించాము కాబట్టే.. అన్ని అర్హతలూ ఉన్నప్పటికీ, నీకు ఇలాంటి చిన్న పరీక్ష పెట్టడం జరిగింది.
ఇప్పుడు నీవే ఈ ఉద్యోగానికి అర్హుడవు”_ అని అపాయింట్ మెంట్ లెటర్ ఇచ్చాడు.
గుండెల్లో నిండిన ఆనందంతో ఉబికి వస్తున్న కన్నీటిని తుడుచుకుంటూ… డైరెక్టర్ రూమ్ లో నుండి బయటకు వచ్చాడు ఆ యువకుడు.
డబ్బులు పెట్టి మనల్ని చదివిస్తున్నారుకదా అని విచ్చలవిడిగా ఖర్చు పెట్టకుండా..
అసలు ఆ ఫీజులు కట్టడానికి తల్లిదండ్రులు పడే కష్టాన్ని ఒక్కసారి తలచుకుని, చక్కగా చదువుకుని ఉన్నతస్థితిలోకి వెళ్ళాలి.
అప్పుడు.. అప్పుడే.. మన ఎదుగుదలను చూసి ఎక్కువగా ఆనందించే వారు.. మన కన్నవారి కంటే ఈ లోకంలో ఇంకెవరూ ఉండరు.
